اوتھل: مکران کوسٹل ہائی وے لیاری رضو ہوٹل کے قریب پروبکس گاڑی تیز رفتاری کے باعث الٹ گئی حادثے میں تین افراد جاں بحق ,چار زخمی، تمام افراد کا تعلق کراچی سے بتایا جاتا ہے۔ تفصیلات کے مطابق لسبیلہ کے ضلعی ہیڈکوارٹر اوتھل سے چالیس کلومیٹر دور مکران کوسٹل ہائی وے لیاری رضو ہوٹل کے قریب پروبکس گاڑی تیز رفتاری کے باعث الٹ گئی حادثے میں تین افراد جاں بحق چار افراد زخمی ہوگئے۔

جاں بحق ہونے والوں میں روبیل ولد نعیم، اریض ولد اشرف، فہاد ولد سلطان، جب کہ زخمیوں میں محمد سلیمان، محمد عمر، شہباز، احسان اسامہ شامل ہیں۔جاں بحق و زخمیوں کو سول ہسپتال اوتھل منتقل کردیا گیا، حادثے کی اطلاع ملتے ہی ایس ایچ او اوتھل جان محمد جاموٹ DHQ ہسپتال اوتھل پہنچ گئے۔ پولیس زرائع کے مطابق پروبکس گاڑی کو حادثہ تیز رفتاری کے باعث آیا، جاں بحق و زخمیوں کا تعلق کراچی کے علاقے نیو کراچی مدینہ کالونی سے بتایا رہا ہے جو کنڈملیر سے پکنک منانے کے بعد واپس کراچی جارہے تھے۔