خضدار: کوئٹہ کراچی قومی شاہراہ پر ٹوڈی کار اور ٹرک میں تصادم،مقامی نجی بینک کا منیجر جاں بحق اور بی این پی کے ضلعی رہنماء سمیت دو افراد زخمی ہو گئے تفصیلات کے مطابق ہفتے کے روز خضدار شہر سے پندرہ کلو میٹر دور آچربند کے مقام پر ٹودی کار اور ٹرک میں تصادم ہوا
جس کے نتیجے میں مقامی نجی بینک کے منیجر داود مینگل،بی این پی ضلع خضدار کے ترجمان عالم فراز مینگل اور ثناء اللہ زخمی ہوگئے زخمیوں کو ریسکیو 1122 کے رضاکاروں نے ابتدائی طبی امداد پہنچانے کے بعد گورنمنٹ ٹیچنگ ہسپتال خضدار منتقل کر دیا شدید زخمی داود مینگل کو مزید علاج کے لئے کراچی ریفر کر دیا گیا جو راستے میں زخموں کی تاب نہ لاتے ہوئے اپنے خالق حقیقی سے جا ملے جبکہ بی این پی کے عالم فراز اور ثناء اللہ کی حالت خطرے سے باہر بتائی جاتی ہے۔