کوئٹہ; صدر مملکت ڈاکٹر عارف علوی سے ویمن ٹی 20 کرکٹ ٹورنامنٹ کی ونر اور رنر-اپ ٹیموں نے گورنر ہاوس میں ملاقات کی ۔ ملاقات میں گورنر بلوچستان سید ظہور احمد آغا، وزیر اعلی بلوچستان جام کمال اور سیکرٹری اسپورٹس بلوچستان عمران گچکی بھی موجود تھے ۔صدر مملکت نے ٹورنامنٹ کو ویمن ایمپاورمنٹ اور ملک میں صحتمند سرگرمیوں کے فروغ کی سمت اہم پیش رفت قرار دیا ۔ صدر ڈاکٹر عارف علوی کا کہنا تھا کہ اسپورٹس ایونٹس سے صحتمند مقابلہ کا رجحان پیدا ہوتا ہے.

 خواتین کرکٹرز نے اپنی محنت اور لگن سے ثابت کیا کہ پاکستانی خواتین باصلاحیت ہیں اور زندگی کے ہر شعبہ میں دنیا کا مقابلہ کرنے کا حوصلہ رکھتی ہیں ۔ویمن کرکٹرز نے ملاقات میں کرکٹ لیگ کے انعقاد پر کوئٹہ گلیڈئیٹرز اور حکومت کا شکریہ ادا کیا۔