قلات: جمعیت علماء اسلام کے سیکریٹری جنرل سینیٹر مولانا عبدالغفور حیدری نے کہا ہے کہ عمران خان کا کہنا تھا کہ ایک کرو ڑ نوجوانوں کو روز گار دینگے پچاس ہزار گھر بنائینگے ڈالر کی ریٹ 60روپے کرونگا بڑے بڑے پراجیکٹس بنیں گے گوادر پاکستان کا میگا سٹی بنے گا ملکی معیشت کو آسمان کی بلندیوں تک پہنچا ؤنگا ملک پر جو قرضے ہیں وہ سب ختم کرونگا باہر سے لوگ ملازمت کے لئے آئینگے قرضہ لینے کے لئے آئی ایم ایف ورلڈ بنک اشیین بنک اور دیگر مالیاتی ادروں کے پاس قرضے کے لیئے نہیں جاؤنگا۔

اگر آئی ایم ایف کے کے پاس گیا تو خود کشی کرونگا یہ تمام دعوے دھرے کے دھرے رہ گئے ان خیالات کا اظہار انہوں نے قلات میں میڈیا کے نمائیندوں سے گفتگو کرتے ہوئے کیا انہوں نے کہا عمران خان نے جب بھی بولا جھوٹ بولا عمران خان نے ملکی معیشت تباہ کر دیا ہے ملکی معیشت دیوالیہ کے قریب ہے ملک کو ڈیفالٹر ہونے کا خطرہ پیدا ہو گیا ہے۔

انہوں نے کہا کہ تین سال میں عمران نیازی نے کچھ نہیں کیا اور آئندہ بھی کچھ بھی نہیں کریگا انہوں نے کہاکہ کہ پورے ملک میں بد امنی کی لہر پھیلی ہوئی ہے خسوصاََ پنجاب میں خواتین کی عصمت دری ہو رہی ہے اور ملک اس وقت اندھے بہرے اور گونگوں کے حوالے ہیں انہوں نے کہا کہ آئین کی پاسداری اور حکمرانی جمہوریت اور جمہوری اداروں کی استحکام نظر نہیں آرہی ہیں حکومتی زمہ داران قوم سے مسلسل جھوٹ بولے جارہے ہیں مگر کب تک قوم کے آنکھوں میں دھول جونکتے رہیں گے۔

بہتر ہیکہ عمرانی حکومت اپنا بوریا بستر گول کرے اور صاف و شفاف اور غیر جانبدارانہ انتخابات کا ماحول بنائیں تاکہ آئیندہ انتخابات میں قوم کے منتخب نمائیندے کامیاب ہو ں ایک سوال کے جواب میں انہوں نے کہاکہ پی ڈیایم نے الیکٹرانک وو ٹنگ مشین کو مسترد کر دیا ہے یہ عمران نیازی کے ووٹ چرانے کے حربے ہیں اپوزیشن جماعتیں عمران خان کے ان حربوں کے عوام کے سامنے لائیں گے۔