تین ٹی ٹوئنٹی میچز پر مشتمل سیریز کے پہلے ٹی ٹوئنٹی میں پاکستان نے ویسٹ انڈیز کو جیت کیلئے 201 رنز کا ہدف دے دیا۔
کراچی کے نیشنل اسٹیڈیم میں کھیلے جارہے میچ میں مہمان ٹیم کے کپتان نے ٹاس جیت کر پاکستان کو پہلے بیٹنگ کی دعوت دی۔
پاکستان نے مقررہ 20 اوورز میں 6 وکٹوں کے نقصان پر 200 رنز بنائے،محمد رضوان 78 اور حیدر علی 68 رنز بناکر نمایاں رہے۔
پاکستان ٹیم کا آغاز اچھا نہ رہا، کپتان بابر اعظم پہلے ہی اوور میں صفر پر آؤٹ ہوگئے ، تاہم رضوان نے شاندار بیٹنگ کرتے ہوئے 50 رنز مکمل کرلیے ہیں۔
پاکستان کی دوسری وکٹ 35 رنز پر گری جب فخر زمان 10 رنز بناکر پویلین لوٹ گئے۔
میزبان ٹیم کے پلیئنگ اسکواڈ میں بابر اعظم، محمد رضوان، فخر زمان، حیدر علی افتخار احمد اور آصف علی شامل ہیں۔
اس کے علاوہ شاداب خان، محمد نواز، محمد وسیم جونیئر، حارث رؤف اور شاہین آفریدی شامل ہیں۔