جاپان نے پاکستان کے سیلاب متاثرین کے لیے ہنگامی امداد کا اعلان کیا ہے۔

ٹوکیو میں وزیر خارجہ ہیاشی یوشیماسا نے کہا کہ جاپانی حکومت سیلاب متاثرین کیلئے 70 لاکھ ڈالر کی ہنگامی امداد دے گی۔

دوسری جانب پاکستان میں جاپانی سفیر واڈا مٹسوہیرو نے کہا کہ جاپان مشکل وقت میں پاکستانی عوام کے ساتھ کھڑا ہے۔ اجتماعی امدادی کارروائیوں کیلئے اپنی امداد بڑھائیں گے۔ 

انہوں نے کہا کہ صحت، خوراک، پانی، صفائی ستھرائی اور پناہ گاہوں کیلئے مدد فراہم کریں گے۔ جاپان سیلاب متاثرین کیلئے ٹینٹ اور پلاسٹک شیٹوں کی ہنگامی امداد بھی فراہم کر چکا ہے۔