ڈائریکڑیٹ پاپولیشن ویلفیئر ڈیپارٹمنٹ گورنمنٹ آف بلوچستان کے تمام آفیسران بشمول ڈائریکڑ جنرل نے سیکریٹری پاپولیشن ویلفئیر ڈیپارٹمنٹ کے غیر قانونی اقدامات کے خلاف غیر معینہ مدت تک قلم چھوڑ ہڑتال کا اعلان کر دیا ہے۔
تفصیلات کے مطابق، سوموار کے روز ڈائریکڑ جنرل پاپولیشن ویلفئیر ڈیپارٹمنٹ مصطفیٰ صاحب نے محکمے کے افسران کی ایک ہنگامی اجلاس طلب کیا جس میں سیکریٹری پاپولیشن یاسر خان کے غیر قانونی اقدامات جن میں ڈی جی آفس کو مکمل طور پر مفلوج کیا جانا شامل ہے کی شدید مذمت کی اور کہا گیا کہ اس سیکریٹری کے غیر قانونی اقدامات جن میں ڈی جی آفس کی گاڑیوں کے ٹریکرزکو غیر قانونی طور پر اپنے نام منتقل کرنا، آفیسران کی غیر قانونی قبل از وقت تبادلے، ڈائریکڑ جنرل آفس کا غیر قانونی طور پر تمام مالیاتی اختیارات کا ضبط اور غیر قانونی بھرتیاں شامل ہیں۔
اس موقع پر تمام افسران نے کہا کہ موجودہ سیکڑیٹری کے تبادلے تک وہ اپنا احتجاج جاری رکھیں گے اور ڈائریکٹر جنرل آفس اور اسکی تمال ذیلی دفتروں میں سیکریٹری کا تبادلہ ہونے تک قلم چھوڑ ہڑتال جاری رکھیں گے۔
اس موقع پر ایپکا کے دونوں یونٹس نے آفیسران کے قلم چھوڑ ہڑتال کی حمایت کا اعلان کیا اور سیکریٹری کے ماورائے قانون اقدمات کی مذمت کی۔
پاپولیشن ویلفئیر آفیسران کا قلم چھوڑ ہڑتال کا اعلان، سیکڑیٹری کے تبادلے کا مطالبہ
وقتِ اشاعت : December 12 – 2022