امریکی ریاست کیلیفورنیا کی جانب سے ایک ریاستی بل پر غور کیا جا رہا ہے جس کے تحت انٹرنیٹ پلیٹ فارمز پر خبروں پر مبنی مواد کی اشاعت پر ٹیکنالوجی کمپنیوں کو معاوضہ ادا کرنے کا پابند بنایا جائے گا۔
اس مجوزہ بل کی منظوری کی صورت میں فیس بک کی سرپرست کمپنی میٹا نے کیلیفورنیا میں خبروں کے مواد کو اپنے پلیٹ فارم سے ہٹانے کا انتباہ کیا ہے۔
اس بل کے تحت آن لائن پلیٹ فارمز کو صحافتی مواد استعمال کرنے پر اشاعتی اداروں کو فیس ادا کرنا ہوگی۔
یہ قانون کیلیفورنیا کے نیوز سیکٹر میں آنے والی تنزلی پر قابو پانے کے لیے تجویز کیا گیا ہے۔
میٹا کے ایک ترجمان کی جانب سے جاری بیان میں اس بل پر تنقید کرتے ہوئے کہا گیا کہ اس سے صرف بڑی ریاستی میڈیا کمپنیوں کو فائدہ ہوگا۔
خیال رہے کہ یہ پہلا موقع نہیں جب میٹا کی جانب سے اس طرح کی قانون سازی کی مخالفت کی گئی ہے۔
اس سے قبل کینیڈا اور آسٹریلیا میں بھی اس طرح کے قوانین کی منظوری پر کمپنی کی جانب سے فیس بک سے نیوز سیکشن کو ہٹانے کا انتباہ کیا گیا تھا۔
مگر پھر آسٹریلیا کی میڈیا کمپنیوں سے معاہدے کے بعد قانون میں تبدیلیاں کی گئیں، البتہ کچھ وقت تک آسٹریلیا میں فیس بک پر خبروں کے لنکس کو ہٹا دیا گیا تھا۔