اسلام آباد میں حکومتی مذاکراتی کمیٹی نے بلوچ یکجہتی کمیٹی سے ملاقات کے دوران ان کی شکایات سنیں اور تحفظات دور کرنے کی یقین دہانی بھی کروائی۔
نگراں وزیراعظم انوارالحق کاکڑ نے بلوچ یکجہتی کمیٹی سے مذاکرات کے لیے کمیٹی قائم کی ہے، حکومتی کمیٹی میں وفاقی وزراء فواد حسن فواد، مرتضیٰ سولنگی، انیق احمد اور جمال شاہ شامل ہیں۔
چیف کمشنر اسلام آباد بھی کمیٹی میں شامل ہیں، حکومتی کمیٹی نے بلوچ یکجہتی کمیٹی کی خواتین شرکاء سے بھی ملاقات کی۔
ذرائع کا کہنا ہے کہ حکومتی کمیٹی نے بلوچ یکجہتی کمیٹی کو تمام قانونی مسائل حل کرنے کی یقین دہانی کروائی، ان کی ملاقات ویمن پولیس اسٹیشن میں ہوئی۔