کوئٹہ: وزیراعلیٰ بلوچستان میر سرفراز بگٹی جمعے کی صبح ٹراما سینٹر سول ہسپتال پہنچے جہاں انہوں نے ٹرین کی زد سے بچے کی جان بچاتے ہوئے زخمی ہونے والے اسکول ٹیچر کی عیادت کی اور انکے اہل خانہ سے ملاقات بھی کی

واضح رہے کہ ٹرین کی زد سے بچے کو نکالتے ہوئے اسکول ٹیچر عامر غوری کی ایک ٹانگ اور ایک بازو کٹ گیا تھا وزیر اعلیٰ نے عامر غوری کی بہادری اور انسانیت دوستی کو زبردست خراج تحسین پیش کرتے ہوئے کہا کہ انہوں نے بہادری کی نئی مثال قائم کر کے بلوچستان کا سر فخر سے بلند کیا ہے

انہوں نے اعلان کیا کہ صوبے کے اس بہادر سپوت کا علاج آغا خان ہسپتال میں کروایا جائے گا

اور بچوں کے تمام تعلیمی اخراجات صوبائی حکومت برداشت کرے گی وزیر اعلیٰ نے اس موقع پر ٹیچر عامر غوری کی زوجہ کو سرکاری ملازمت دینے کا اعلان بھی کیا انہوں نے کہا کہ عامر غوری جیسے انسان دوست مسیحا ہمارے معاشرے کا روشن چہرہ ہے انہوں نے استاد عامر غوری کے بچوں کے سر پر دست شفقت پھیرتے ہوئے پیار کیا اور ان کے والد کی بہادری کو سراہا۔