کوئٹہ:  وزیر اعلیٰ بلو چستان میر سرفراز بگٹی کی زیر صدارت چمن ما سٹر پلا ن کے انڈسٹریل زون اور ملٹی پر پز کمر شل کمپلیکس کی فعا لیت سے متعلق اجلاس جمعہ کے روز یہاں وزیراعلیٰ سیکرٹریٹ میں منعقد ہوا اجلاس میں صوبائی وزراء میر ظہور احمد بلیدی، میر سلیم کھوسہ،

حاجی علی مدد جتک چیف سیکرٹری بلوچستان، سیکرٹری مواصلات و تعمیرات سیکرٹری انڈسٹریز، کمشنر کوئٹہ ڈویژن و دیگر متعلقہ حکام نے شرکت کی اجلاس سے خطاب کرتے ہوئے وزیر اعلیٰ نے ہدایت کی کہ انڈسٹریل ایریا چمن اور کمپلیکس کی فعالیت کے لئے فوری اقدامات اٹھائے جائیں انڈسٹریل ایریا میں بجلی سمیت بنیادی سہولیات کی فراہمی جلد از جلد یقینی بنائی جائے

انہوں نے کہا کہ انڈسٹریل ایریا چمن میں دستیاب پلاٹس کی الاٹمنٹ کے لئے اظہار دلچسپی کے لیٹرز طلب کئے جائیانڈسٹری مالکان کو سہولیات دیکر ہی سرمایہ کاری کی جانب راغب کیا جاسکتا ہے وزیر اعلیٰ نے کہا کہ پبلک پرائیویٹ پارٹنر شپ کے تحت منصوبوں کی فعالیت کے لئے رائج قوانین میں ترامیم کی جائیں گی انہوں نے ہدایت کی کہ بلوچستان میں اسپیشل اکنامک زون کو فعال کرنے کے لئے عملی اقدامات اٹھائیں جائیں

تاکہ بنیادی سہولیات سے مزین نئے شہر آباد کئے جا سکیں انہوں نے کہا کہ ان اقدامات سے چمن شہر میں انقلابی تبدیلیاں آئیں گی اور شہریوں کو متبادل روزگار کے نئے مواقع میسر ہوں گے۔