کوئٹہ: بلوچ یکجہتی کمیٹی کی کوئٹہ میں ریلی،بلوچستان یونیورسٹی کے سامنے شمعیں روشن، تربت میں جاری دھرنے میں سیمینار منعقد ہوا، گوادر، پنجگور،نوشکی میں دھرنے بدھ کے روز بھی جاری رہے،
کوئٹہ تفتان شاہراہ پر ٹریفک بحال نہ ہوسکی، بدھ کے روز بھی بلوچستان کے ساحلی شہر گوادرکے میرین ڈرائیو کے مقام پر دھرنا جاری رہا
جبکہ تربت میں شہید فدا چوک پر جاری دھرنے کے مقام پر سیمینار منعقد کیا گیا،
نوشکی میں قلم چوک اورپنجگور میں بھی دھرنے جاری رہے، نوشکی میں جاری دھرنے کے باعث کوئٹہ تفتان شاہراہ پر ٹریفک بدستور معطل رہی،
کوئٹہ میں بلوچ یکجہتی کمیٹی کے زیر اہتمام سریاب روڈ پر واقع ڈگری کالج سے بلوچستان یونیورسٹی تک ریلی نکالی گئی اور بلوچستان یونیورسٹی کے سامنے شمعیں روشن کی گئیں۔