کوئٹہ: وزیر اعلٰی بلوچستان میر سرفراز بگٹی سے جمعہ کو یہاں مزدور یونین کے نمائندوں نے محمد رمضان اچکزئی کی قیادت میں ملاقات کی اور انہیں اپنے مسائل سے آگاہ کیا۔
وفد سے گفتگو کرتے ہوئے وزیر اعلٰی میر سرفراز بگٹی نے کہا کہ مزدوروں کی فلاح و بہبود کے لئے اقدامات اٹھا رہے ہیں مزدوروں کے بچوں کو معیاری تعلیم کے مواقعوں کی فراہمی کے لئے مزدوروں کے 400 بچوں کو اعلٰی تعلیمی اداروں میں تعلیم دلوئیں گے
انہوں نے کہا کہ مزدور نمائندوں کو بہبود عامہ کے لئے ہونے والی فیصلہ سازی میں شامل مشاورت رکھیں گے ملاقات میں وزیر اعلٰی بلوچستان کے مشیر برائے لیبر اینڈ مین پاور سردار غلام رسول عمرانی بھی موجود تھے۔