کوئٹہ : سیریئس کرائم انویسٹی گیشن یونٹ نے اندھے قتل کا سراغ لگا کر 3ملزموں کو گرفتار کرکے اسلحہ برآمد کرلیا۔
تفصیلات کے مطابق واجد احمد سکنہ کلی کمالو نے تھانہ کیچی بیگ کو 12 جون 2024 کو رپورٹ دی کہ کلی کمالو ازبک بازار میں نامعلوم وجوہات کی بناء پر میرے بھائی شاہد احمد کو فائرنگ کرکے زخمی کیا جو بعد میں ہسپتال میں دم توڑ گیا جس کی تفتیش سیریئس کرائمز انویسٹی گیشن ٹیم کو دی گئی جس میں ٹیم نے کارروائی کرتے ہوئے 3 ملزمان مقتول کی اہلیہ مسماۃ افشاں بی بی ،
ساجد خان اور ناصر حسین کو گرفتار کرکے ان کے قبضے سے پسٹل ایک موٹر سائیکل برآمد کرکے قبضے میں لے لیا گیا جو واردات میں استعمال کئے گئے تھے۔