کوئٹہ/کراچی : بلوچستان پولیس کا کراچی میں سابق صوبائی وزیر سردار محمد صالح بھوتانی کے گھر پر چھاپہ چار افراد کو حراست میں لے لیا گیا ۔

تفصیلات کے مطابق گزشتہ شب بلوچستان پولیس کی بھاری نفری نے کراچی کے علاقے ڈیفنس میں سابق صوبائی وزیر سردار محمد صالح بھوتانی، سابق رکن قومی اسمبلی محمد اسلم بھوتانی کی رہائشگاہ پر رات گئے چھاپہ مارا جس کے دوران ان کے گھر سے دو ملازموں سمیت چار افراد کو حراست میں لے لیا گیا ۔ چھاپے کی تصدیق کرتے ہوئے

بھوتانی ہائوس کے ذرائع نے بتایا کہ ان کے کراچی میں واقعہ دو گھروں پر گزشتہ شب چھاپہ مارا گیا جس کے دوران ایک مکان میں شیشے توڑ کر پولیس نے دو ملازمین اور دو مہمانوں کو حراست میں لیا ۔

اس حوالے سے پولیس حکام سے رابطہ کرنے کی کوشش کی گئی تاہم ان کی جانب سے کوئی جواب موصول نہیں ہوسکا ۔