کوئٹہ : صوبائی مشیر برائے کھیل و امور نوجوانان بلوچستان مینا مجید بلوچ نے کہا ہے
کہ بلوچستان کے سپوت شاہ زیب رند نے کراٹے میں کامیابی حاصل کرکے اپنے مد مقابل حریف کو شکست دی آج وطن واپسی پر کوئٹہ ایئر پورٹ پر محکمہ کھیل کی جانب سے ان کا بھر پور استقبال کیا جائے گا مختلف وفود سے گفتگو کرتے ہوئے
کہا کہ شاہ زیب رند نے عالمی سطح پر کراٹے میں اپنے مد مقابل کھلاڑی کو شکست دیکر کامیابی حاصل کرکے دنیا بھر میں ملک ،اور بلوچستان کا نام روشن کیا ہے جو ہمارے لئے فخر کی بات ہے
کیونکہ وزیر اعلیٰ بلوچستان میر سرفراز احمد بگٹی کے وژن کے مطابق حکومت اور محکمہ کھیل اپنے کھلاڑیوں کو ہر میدان میں سپورٹ کرنے کے ساتھ ساتھ سہولیات فراہم کررہا ہے
کیونکہ صوبے کے نوجوانوں میں ٹیلنٹ کی کوئی کمی نہیں کیونکہ انہوں نے کھیل کے میدان سمیت دیگر شعبوں میں اپنی صلاحیتوں کا لوہا منوایا ہے اور محکمہ کھیل کی جانب سے آج ان کا کوئٹہ پہنچنے پر بھر پور استقبال کیا جائے گا۔ انہوں نے کہا کہ بلوچستان کے کھلاڑیوں میں صلاحیتوں کی کوئی کمی نہیں انہیں سہولیات اور مواقع فراہم کرنے کے لئے حکومت کوشش کررہی ہے ۔