کوئٹ:وزیر اعلیٰ بلوچستان میر سرفراز بگٹی نے گرین بسوں کے اوقات کار کو طالب علموں کی سہولت سے ہم آہنگ کرنے کے احکامات جاری کرتے ہوئے سیکرٹری ٹرانسپورٹ بلوچستان کو ہدایت کی ہے کہ
گرین بسوں میں طالب علموں کو بہتری سفری سہولیات فراہم کی جائیں، چیف منسٹر سیکرٹریٹ سے جاری اعلامیہ کے مطابق وزیر اعلٰی بلوچستان نے ہدایت کی ہے کہ ایسا مناسب میکنزم تشکیل دیا جائے
جس سے طالب علموں کو گرین بسوں میں سفری سہولیات میسر آسکیں اورصبح اور شام کے اوقات کار میں کالجز اور اسکولز کے طالب علموں کو آمد و رفت کی معیاری سہولیات فراہم کی جائیں اس ضمن میں 5 روز میں جامع سفارشات مرتب کرکے رپورٹ پیش کی جائے۔