دکی : چمالنگ کے علاقے کلی کچھ کے قریب تھری پل کے مقام پر مسلح حملہ آوروں نے چمالنگ میختر روڈ پر ٹرکوں پر فائرنگ کرکے بعد ازاں ٹرکوں کو آگ لگادی۔
لیویز ذرائع کے مطابق 3ٹرکوں پر پہلے فائرنگ کی گئی اور انہیں بعد ازاں آگ لگاکر نذر آتش کئے گئے۔ فائرنگ سے ایک ٹرک ڈرائیور حبیب اللہ حمزہ زئی زخمی ہوگیا جسے لورالائی منتقل کردیا گیا زخمی ٹرک ڈرائیور حبیب اللہ کا تعلق میختر سے ہے۔
مسلح افراد آگ لگانے کے بعد فرار ہوگئے۔
جلائے گئے ٹرکوں میں 2کوئلے سے لوڈ جبکہ ایک ٹرک خالی تھا۔لوڈ ٹرکیں کوئلہ میختر سے پنجاب منتقل کی جارہی تھی۔
جبکہ خالی ٹرک میختر سے چمالنگ جارہی تھی۔واقعے کے بعد لیویز اور سیکورٹی فورسز نے جائے وقوعہ کا محاصرہ کرکے مسلح حملہ آوروں کی تلاش شروع کردی ہے۔
لیویز ذرائع کے مطابق مسلح حملہ اور قریبی پہاڑوں کی طرف فرار ہوگئے ہیں۔
Leave a Reply