خضدار: خضدار میں کوئٹہ کراچی قومی شاہراہ پر باراتیوں کی پک اپ حادثے کا شکار ہونے سے خاتون اور شیر خوار بچے سمیت چار افراد جاں بحق اور 18افراد زخمی ہوگئے۔
تفصیلات کے مطابق جمعہ کو قومی شاہراہ پر خضدار شہر کے قریب کپر سے کھڈنی بارات لے جانے والی پک اپ تیز رفتاری کے باعث حادثہ کا شکار ہوئی جس کے نتیجے میں ایک خاتون اورایک شیر خوار بچے سمیت چار افراد جاں بحق ہوگئے
جب کہ اٹھارہ افراد زخمی بھی ہوگئے زخمیوں میں چار کی حالت تشویشناک تھی جنہیں مزید علاج کے لئے کراچی منتقل کیا گیا جاں بحق افراد میں تاج بی بی ،زوجہ حیات نذیر احمد ولد محمد حسین عید محمد ولد نیک محمداسداللہ ولد محمد شریف شامل ہیں زخمیوں کو ٹراما سینٹر اور ٹیچنگ اسپتال منتقل کیا گیا
جہاں ابتدائی علاج کے بعد تشویشناک حالت کے باعث چار زخمیوں کو کراچی منتقل کردیا گیا واقعہ کی اطلاع ملتے ہی ڈپٹی کمشنر خضدار یاسر اقبال دشتی اور انجمن تاجران خضدار کے صدر حافظ حمیداللہ مینگل بھی ٹیچنگ اسپتال پہنچے ڈپٹی کمشنر خضدار نے اسپتال کے ذمہ داران کو ہدایت کی کہ زخمیوں کی ہر ممکن علاج و معالجے کو یقینی بنایا جائے
انہوں زخمیوں کی عیادت کی اور انہیں ہر ممکن سہولیات فراہم کرنے کی یقین دہانی کرائی۔
Leave a Reply