بلوچستان کے شہر ژوب میں جیل روڈ کے قریب بھائی نے فائرنگ کر کے بیوہ بہن کو قتل کردیا۔
پولیس نے ملزم اور اس کی بیوی کے خلاف پولیس کی مدعیت میں مقدمہ درج کرلیا ہے۔
پولیس کے مطابق مقتولہ کی والدہ اور بہن نے بتایا کہ ملزم اپنی بیوی کے ساتھ گھر آیا تھا اور تکرار کے بعد ملزم نے بیوہ بہن کو فائرنگ کر کے قتل کردیا۔
ایف آئی آر کے مطابق ملزم کو بہن کا سوشل میڈیا کا استعمال اور این جی او سے منسلک ہونا پسند نہیں تھا۔