تربت: نیشنل پارٹی کے رہنما ،رکن اسمبلی وسابق صوبائی وزیر میر رحمت صالح بلوچ نے کہا ہے کہ خواتین کی شرکت کے بغیر معاشرے میں ترقی کا خواب شرمندہ تعبیر نہیں ہوگا۔
خواتین ملک کی آبادی کا نصف ہیں اور اس وقت ملک کے اہم عہدوں پر بطریق احسن فرائض سرانجام دے رہی ہیں جن کی جتنی حوصلہ افزائی کی جائے کم ہے۔
دور جدید کے چیلنجز کا مقابلہ کرنے کے لئے خواتین کو بھی اپنا کردار ادا کرنا ہوگا۔
ان خیالات کا اظہار انہوں نے ا?برو ہوم میں بلوچستان ویمن بزنس فورم کے زیراہتمام خواتین کے قومی دن کی مناسبت سے منعقدہ تقریب سے بطور مہمان خصوصی خطاب کرتے ہوئے کیا۔
اس موقع پر بلوچستان ویمن بزنس فورم کی صدر فائزہ مینگل، وفاقی محتسب برائے خواتین کی ریجنل ہیڈ جسٹس ریٹائرڈ طاہرہ بلوچ، ایڈمنسٹریٹر ا?برو ہوم ناہید کریم سمیت دیگر نے بھی خطاب کیا۔
رکن اسمبلی میر رحمت صالح بلوچ نے کہا کہ کسی بھی معاشرے میں خواتین کی شمولیت کے بغیر ترقی نہیں کی جاسکتی۔
خواتین نے تمام شعبہ ہائے زندگی میں اپنی صلاحیتوں کا لوہا منوایا ہے۔
دور جدید کے چیلنجز کا مقابلہ کرنے کے لئے خواتین کو بھی کردار ادا کرنا ہوگا۔
انہوں نے کہا کہ ضرورت اس امر کی ہے کہ خواتین کو ہر شعبے میں موثر نمائندگی دی جائے، اس ضمن میں ہم اسمبلی فلور پر بھی ا?واز بلند کریں گے۔
انہوں نے کہا کہ نیشنل پارٹی خواتین کے حقوق کی علمبردار ہے، ہمیشہ 8مارچ کو عالمی یوم خواتین کے موقع پر نیشنل پارٹی کے زیراہتمام تقریب منعقد ہوتی ہے تاہم اس مرتبہ ان تمام تنظیموں کو ساتھ لیکر تقریب منعقد کریں گے ساتھ ہی ایک موثر اور مضبوط پیغام دیا جائے۔
قبل ازیں انہوں نے ا?برو ہوم کے سرپرست بریگیڈیئر عبدالرزاق بلوچ مرحوم کی کاوشوں کو سراہتے ہوئے کہا کہ ا?ج وہ ہم میں نہیں لیکن ان کا یہ ادارہ خواتین اور انسانیت کے لئے اپنا بھرپور کردار ادا کررہا ہے۔
اس موقع پر انہوں نے اپنی تنخواہ سے دو لاکھ روپے ا?برو ہوم کیلئے عطیہ کرنے کا بھی اعلان کیا اور کہا کہ وہ اپنے دیگر ارکان اسمبلی کے ساتھ مل کر ا?برو ہوم کی بزرگ خواتین کیلئے ٹرانسپورٹ کا مسئلہ حل کرنے کے لئے کردار ادا کریں گے
انہوں نے کہا کہ یہ بھی ہماری مائیں ہیں، میں بحیثیت رضاکار اپنی خدمات ا?بروہوم کی بزرگ مائوں بہنوں کے لئے وقف کرتا ہوں۔
قبل ازیں مختلف شعبوں میں خدمات انجام دینے والی خواتین میں تعارفی اسناد بھی تقسیم کی گئیں۔