تربت: محکمہ صحت کی خالی آسامیوں کے لیے مکران میڈیکل کالج تربت میں ٹیسٹ کا انعقاد۔ تفصلات کے مطابق مکران میڈیکل کالج تربت میں محکمہ صحت کی خالی آسامیوں پر تعیناتی کے لیے گریڈ 1 سے گریڈ 14 تک کے امیدواروں کے لیے ٹیسٹ منعقد کیا گیا۔
ان ٹیسٹوں کی نگرانی ایم ایس ٹیچنگ ہسپتال ڈاکٹر عبد الوحید بلیدی نے کی۔ اس موقع پر ڈاکٹروحید بلیدی نے کہا کہ تمام بھرتیاں مکمل طور پر میرٹ کی بنیاد پر کی جائیں گی اور شفافیت کو یقینی بنانے کے لیے سخت سیکیورٹی انتظامات کیے گئے ہیں۔ ان کا مزید کہنا تھا کہ محکمہ صحت میں قابل اور مستحق افراد کی تعیناتی ہماری اولین ترجیح ہے
، اسی مقصد کے تحت ان ٹیسٹوں کا انعقاد کیا گیا تاکہ تمام امیدواروں کو مساوی مواقع فراہم کیے جا سکیں۔ٹیسٹ میں شرکت کرنے والے امیدواروں نے بھی انتظامات پر اطمینان کا اظہار کیا اور امید ظاہر کی کہ میرٹ پر مبنی بھرتیوں سے علاقے میں صحت کی سہولیات مزید بہتر ہوں گی۔
Leave a Reply