کوئٹہ: پلاسٹک بیگز کے استعمال اور خریدوفروخت کے خلاف تمام ممکنہ اقدامات اٹھائے جا رہے ہیں ماحولیات کا تحفظ کسی ایک ادارے نہیں بلکہ ہر شہری کی ذمہ داری ان خیالات کا اظہار صوبائی مشیر برائے ماحولیات نسیم الرحمن ملا خیل نے ایڈوائزری کمیٹی کے اجلاس سے خطاب کرتے ہوے کیا۔ انہوں نے کہا کہ انسانی صحت اور ماحولیات کے تحفظ کے پیش نظر حکومت بلوچستان ایکٹ 2023 کے تحت پولیتھین بیگز کے استعمال پر پابندی عائد کی گئی ہے اور اس حوالے سے کوتاہی برداشت نہیں کی جاۓ گی۔

اجلاس میں پولیتھین بیگز کے متبادل کے حوالے سے بھی سفارشات مرتب کی گئیں، اس موقع پر ڈائریکٹر جنرل ادارہ تحفظ ماحولیات بلوچستان محمد ابراہیم بلوچ نے پولیتھین بیگز پر پابندی کے حوالے سے تفصیلی بریفنگ فراہم کی۔اجلاس میں وی سی بلوچستان یونیورسٹی ظہور بازئ، ڈپٹی سیکرٹری لوکل گورنمنٹ خرم خالد، ایس پی سٹی کوئٹہ اختر نواز ، ایڈیشنل سیکرٹری انڈسٹریز ڈاکٹر ثاقب زیب کانسی صدر مرکز انجمن تاجران رحیم کاکڑ، ماہر ماحولیات کلیم اللہ خلجی، ممتاز احمد لانگو چیف آف سیکشن پی اینڈ ڈی اور دیگر متعلقہ اہم شخصیات و افسران موجود تھے۔