امیر جماعت اسلامی بلوچستان ایم پی اے مولانا ہدایت الرحمان بلوچ نے کہا ہے کہ دہشت گردی نے بلوچستان میں بدامنی کیساتھ یتیموں میں بھی اضافہ کر دیادہشت گردی کیساتھ ٹریفک حادثات نے بھی ہمارے بچوں کو یتیم کر دیے ہیں۔

والدین کی شفقت سے محروم بچوں کی سرپرستی وامداداورتربیت الخدمت فائونڈیشن کا ملک گیر نام بن گیا ہے ۔

یتیموں کی کفالت کرکے انہیں معاشرے کابہترین کارآمد شہری بنائیں گے یتیموں کی کفالت کرنے والے اللہ کے پسندیدہ مخلوق ہیں الخدمت فائونڈیشن ،ایچ ایچ آرڈی ،بی آرایس پی اورپی پی اے ایف نے یتیموں کے عالمی دن کے موقع پر یکجاہوکر بہترین پروگرام کا انعقاد کیا ضرورت اس امر کی ہے کہ ہم سب ملکر یتیموں بیوائوں ،ضرورت مندوں کی مددکرکے اللہ کی رضاوخوشنودی کیساتھ پریشان حال غرباء و مساکین کی بہترین مددکر سکتے ہیں الخدمت فائونڈیشن کی خدمات قومی اوربین الاقوامی سطح پر مانی ہوئی ہے حکومت الخدمت فائونڈیشن کی سرپرستی کرکے یتیموں بیوائوں اور ضرورت مندوں کو بہتر ومناسب اندازسے دیانت داری کیساتھ امداد پہنچا سکتی ہے ۔

بلوچستان میں دوسرے صوبوں کی نسبت غربت بے روزگاری بہت زیادہ ہیں بلوچستان کے وسائل یہاں کے عوام پر دیانت داری سے خرچ کرنے اورسرمایہ داروں مخیر حضرات کے تعاون سے غربت بے روزگاری میں کمی لائی جاسکتی ہے جماعت اسلامی الخدمت فائونڈیشن کے پلیٹ فارم سے پریشان حال عوام کی پریشانی ومشکلات میں کمی لانے کیلئے گوادرسے ژوب تک مصروف عمل ہیں مخیر حضرات الخدمت فائونڈیشن کیساتھ مالی تعاون زکوٰۃ وصدقات کی شکل میں کر یں ۔

حکومت اور سیکورٹی ادارے عوام کو تحفظ کے دینے کے بجائے بریفنگ ،اجلاس اوربیانات کا سہارالے رہے ہیں طاقت کے استعمال ،پولیس گردی اورفوجی آپریشن مسائل کاحل نہیں وسائل پر اختیار ،لاپتہ افرادکی بازیابی ،روزگارکی فراہمی ،بارڈربندش کا خاتمہ اورسی پیک ودیگر پراجیکٹ کے ثمرات عوام دینے،عوامی قیادت کو حکمرانی دینے سے مسائل ،بدامنی ،دہشت گردی ،احساس محرومی اورغربت میں کمی آسکتی ہے ۔

ان خیالات کا اظہارانہوں نے یتیموں کے عالمی دن 15رمضان المبارک کے موقع پر الخدمت فائونڈیشن ،ایچ ایچ آرڈی ،بی آرایس پی اورپی پی اے ایف کے مشترکہ افطارڈنر تقریب سے خطاب کرتے ہوئے کیا تقریب میں یتیم بچوں کیساتھ ان سرپرستوں مائون بہنوں نے کثیر تعدادمیں شرکت کی اس موقع پر جماعت اسلامی کے صوبائی نائب امیر پارلیمانی لیڈر پارلیمانی سیکرٹری ایس اینڈ جی اے ڈی عبدالمجیدبادینی ،بی آرایس پی کے طاہر رشید ،ایچ ایچ آرڈی کے افتخاراحمدکاکڑ،

الخدمت فائونڈیشن کے طیب فرید خان ،امیر جماعت اسلامی ضلع کوئٹہ عبدالنعیم رند نے خطاب کرتے ہوئے کہاکہ بدعنوانی ،مہنگائی ،کرپشن وکمیشن ہمارے ترقی کی راہ میں رکاوٹ ہیں کوئٹہ لاکھوں کی آبادی مگر پینے کاپانی تک دستیاب نہیں۔صوبائی دارالحکومت پر دیانت دار ی سے خرچ کرنے اور مخلصانہ طور پر ترقی دینے کی ضرورت ہے

بلوچستان کے دوردرازعلاقوں کے عوام کو پینے کے صاف پانی کی فراہمی ،گیس وبجلی فراہم کرکے ترقی کی دوڑ میں شامل کیے جاسکتے ہیں صوبے کے تعلیمی وصحت کے اداروں کو فعال ومنظم کرنے کی ضرورت ہے حکومت کیساتھ دیانت دارانتظامیہ حالات کی بہتری میں اہم کردار اد اکرسکتے ہیں

حکومت نے عوام کورمضان پیکیج نہیں دیا مخیر حضرات تاجر برادری پریشان حال عوام ،غرباء ومساکین کی مددیقینی بنائیں۔

غزہ ،بیت المقدس پر بارودکے آگ نے فلسطینیوں کی نسل کشی میں کوئی کسر نہیں چھوڑی مسلم حکمران تماشادیکھ رہے ہیں ۔الخدمت فائونڈیشن اپنے پریشان حال عوام کی مدد کیساتھ غزہ فلسطین کے مظلوم تک بھی مددپہنچانے کی کوشش کر رہے ہیں۔

مخیر حضرات الخدمت فائونڈیشن کے خدمات کے پراجیکٹس میں ساتھ دیں ۔جماعت اسلامی الخدمت فائونڈیشن کے پلیٹ کے فارم سے غریباء و مساکین یتیموں بیوائوں کی مددکر رہے ہیں ۔ مخیر حضرات ،تاجر برادری وعوام مساکین و مستحقین کی مددکیلئے جماعت اسلامی الخدمت فائونڈیشن کا ساتھ دیں