نوکنڈی:  نیشنل پارٹی کی صوبائی خواتین سیکرٹری اور رکن بلوچستان اسمبلی کلثوم نیاز بلوچ نے سریاب روڈ پر لاپتہ افراد کے لواحقین کے پرامن احتجاج پر فائرنگ، لاٹھی چارج، تشدد اور شیلنگ کی سخت ترین الفاظ میں مذمت کی ہے۔

انہوں نے کہا کہ ریاستی جبر کے ذریعے عوام کی آواز دبانے کی کوشش ناقابلِ قبول اور قابلِ مذمت ہے۔

انہوں نے اپنے بیان میں کہا کہ بلوچستان پہلے ہی مسلسل جبر اور زیادتیوں کا شکار ہے، اور اب پرامن احتجاج پر وحشیانہ طاقت کا استعمال عوامی غم و غصے کو مزید بھڑکا رہا ہے۔

انہوں نے مزید کہا کہ لاپتہ افراد کے لواحقین اپنے پیاروں کی بازیابی کے لیے سراپا احتجاج ہیں اور یہ ان کا جمہوری اور قانونی حق ہے۔

لیکن حکومت عوام کی آواز سننے کے بجائے ظلم اور بربریت کا راستہ اپنا رہی ہے جو ناقابلِ برداشت ہیانہوں نے کہا کہ طاقت کے ذریعے بلوچستان کے مسائل حل نہیں کیے جاسکتے بلکہ اس سے نفرت اور بداعتمادی میں مزید اضافہ ہوگا۔ انہوں نے مطالبہ کیا کہ ریاستی جبر کو فورا بند کیا جائے، گرفتار مظاہرین کو رہا کیا جائے اور لاپتہ افراد کے مسئلے کا سنجیدہ حل نکالا ۔