کوئٹہ :کوئٹہ کے علاقے سریاب روڈ پر پولیس موبائل پر فائرنگ کا افسوسناک واقعہ پیش آیا ہے۔ ترجمان بلوچستان حکومت کے مطابق فائرنگ کے نتیجے میں تین پولیس اہلکاروں کی شہادت کی اطلاعات موصول ہوئی ہیں۔

ترجمان صوبائی حکومت شاہد رند کا کہنا ہے کہ سیکیورٹی فورسز نے علاقے کو گھیرے میں لے لیا ہے اور شواہد اکٹھے کیے جا رہے ہیں۔ تحقیقات جاری ہیں۔

شاہد رند نے واقعے کو قابلِ مذمت قرار دیتے ہوئے کہا ہے کہ سماج دشمن عناصر کو قانون کے کٹہرے میں لایا جائے گا۔ اُن کا کہنا تھا کہ شہداء کی قربانیاں رائیگاں نہیں جائیں گی اور بلوچستان میں امن کو سبوتاژ کرنے کی ہر کوشش ناکام بنائی جائے گی۔