کوئٹہ: کوئٹہ الیکٹرک سپلائی کمپنی(کیسکو)کے ترجمان نے کہاہے کہ ہمسایہ ملک ایران کی جانب سے مکران ڈویژن کو بجلی کی فراہمی کے کوٹہ میں کمی کردی گئی ہے

جس کی وجہ سے 132kV پیشن۔مند اور132kV پولان۔جیوانی ٹرانسمیشن لائنز سے منسلک مکران ڈویژن کے تمام علاقوںمیں اضافی لوڈمینجمنٹ کی جاری ہے ۔ترجمان نے مزیدکہاکہ 132kV پیشن۔

مندسے 20میگاواٹ جبکہ 132kV پولان۔جیوانی ٹرانسمیشن لائنز سے بھی 20میگاواٹ بجلی مل رہی ہے ۔

بجلی فراہمی کے کوٹہ میں کمی کی وجہ سے مکران ڈویژن کے متعلقہ علاقوںمیں اضافی لوڈشیڈنگ کی جارہی ہے۔

ترجمان نے توقع ظاہر کی ہے کہ ایران سے بجلی کے کوٹہ میں اضافہ کے بعدجلد صورتحال معمول پر آئیگی جسکے بعد مکران ڈویژن کے تمام علاقوں میں اضافی لوڈ شیڈنگ فوری طور پرختم کر دی جائے گی۔

تاہم اس دوران ایران سے بجلی کے کوٹہ میں کمی اور اضافی لوڈ شیڈنگ پر کیسکو نے مکران کے صارفین سے معذرت اور تعاون کی اپیل کی ہے۔