کوئٹہ:  ترجمان حکومت بلوچستان شاہد رند نے نوشکی میں پیش آنے والے افسوسناک حادثے پر گہرے دکھ کا اظہار کرتے ہوئے کہا ہے کہ ایک ٹرک میں اچانک آگ بھڑک اٹھی جس کی شدت سے موقع پر موجود فائر بریگیڈ کی گاڑی بھی متاثر ہوئی انہوں نے بتایا کہ حادثے میں 30 سے زائد افراد کے جھلسنے کی اطلاعات موصول ہوئی ہیں

جن میں پولیس اہلکار بھی شامل ہیں زخمیوں کو ابتدائی طبی امداد کے بعد سول اسپتال اور بی ایم سی منتقل کیا جا رہا ہے ترجمان کے مطابق اسپتالوں میں ایمرجنسی نافذ کرتے ہوئے متاثرہ افراد کو فوری طور پر طبی امداد فراہم کی جا رہی ہے شاہد رند نے کہا کہ یہ ایک افسوسناک واقعہ ہے جس کی مکمل تحقیقات کی جا رہی ہیں تاکہ حادثے کی وجوہات کا تعین کیا جا سکے۔