تربت، راولپنڈی: سکیورٹی فورسز نے خفیہ اطلاع پر تربت ،ضلع کیچ میں آپریشن کرکے تین دہشت گردوں ہلاک۔

ہلاک دہشت گردوں کے قبضے سے اسلحہ، گولہ بارود اور دھماکہ خیز مواد بھی برآمد کر لیا گیا، آئی ایس آر نے کہا ہے کہ پاکستان کی سیکیورٹی فورسز ، قوم کے ساتھ مل کر، بلوچستان کے امن، استحکام اور ترقی کو سبوتاژ کرنے کی ہر کوشش کو ناکام بنانے کے لیے پرعزم ہیں۔

مسلح افواج کے محکمہ تعلقات عامہ (آئی ایس پی آر) کے مطابق سیکیورٹی فورسز نے خفیہ معلومات کی بنیاد پر تربت، ضلع کیچ کے علاقے میں دہشت گردوں کی موجودگی کی اطلاع پر آپریشن کیا۔پاک فوج کے دستوں نے مؤثر طریقے سے دہشت گردوں کے ٹھکانے کو نشانہ بنایا۔

شدید فائرنگ کے تبادلے کے بعد تین دہشت گردوں جہنم واصل ہوگئے۔

ہلاک دہشت گردوں کے قبضے سے اسلحہ، گولہ بارود اور دھماکہ خیز مواد بھی برآمد کرلیاگیا۔

آئی ایس پی آر کے مطابق دہشت گرد قانون نافذ کرنے والے اداروں اور علاقے کے معصوم شہریوں کے خلاف متعدد دہشت گردانہ کارروائیوں میں ملوث تھے۔

علاقے میں موجود کسی بھی دیگر دہشت گرد کے خاتمے کے لیے کلیئرنس (سینیٹائزیشن) آپریشنز جاری ہے۔

آئی ایس پی آر کے مطابق پاکستان کی سیکیورٹی فورسز، قوم کے ساتھ مل کر، بلوچستان کے امن، استحکام اور ترقی کو سبوتاژ کرنے کی ہر کوشش کو ناکام بنانے کے لیے پرعزم ہیں۔