ایران کے وزیر خارجہ عباس عراقچی نے کہا ہے کہ امریکا سے بات چیت میں ایران اپنے یورینئم افزودگی کےحق سے پیچھے نہیں ہٹے گا۔ 

تہران میں تقریب سے خطاب کرتے ہوئے ایرانی وزیر خارجہ نے کہا کہ ایران امریکا کی جنگ کی دھمکیوں سے خوفزدہ نہیں ہوگا، خطے میں امریکی فوج کی تعیناتی سے ہمیں کوئی خوف نہیں۔ 

عباس عراقچی نے کہا کہ کسی کو حق نہیں کہ وہ ہمارے رویے پر ہمیں کچھ سکھائے، وہ ہمارے ایٹم بم سے ڈرتے ہیں حالانکہ ہم تو ایٹم بم نہیں بنا رہے۔ 

انھوں نے کہا کہ ایران پر سے معاشی پابندیاں ہٹنے کے بدلے جوہری پروگرام سے متعلق اعتماد سازی کے اقدامات کیے جاسکتے ہیں۔