کوئٹہ: وادی کوئٹہ میں شدید سردی کے باوجود پولیو مہم کے رضا کار بچوں کو پولیو کے قطرے پلانے میں سرگرم انسداد پولیو مہم کیلئے خواتین رضاکار یخ بستہ نواحی علاقوں اور پہاڑی علاقوں میں بھی اپنی خدمات انجام دے رہی ہیں ۔

تفصیلات کے مطابق وادی کوئٹہ ان دنوں شدید سرد موسم کی لپیٹ میں ہے جہاں کبھی بارش ہے تو کبھی پہاڑوں پر برفباری اور ایسے میں وادی کا درجہ حرارت بھی زیادہ تر نقطہ انجماد سے نیچے ہے لیکن خون کو منجمد کرنے والی سردی میں بھی خواتین رضاکار انسداد پولیو مہم کے لیے پرعزم ہیں پولیو مہم میں محکمہ صحت سے وابستہ خواتین کارکنان اور رضاکاروں کا مفاد عامہ کے حوالے سے جذبہ دیدنی ہے جو موسم کی سختیاں جھیل کر بھی بچوں کو پولیو سے بچا کی ویکسین پلانے اور انجیکشن لگانے کا فریضہ انجام دے رہی ہیں۔

خواتین پولیو رضاکار پولیس اور دیگر قانون نافذ کرنے والے اداروں کے اہلکاروں کے ہمراہ بچوں کو پولیو سے بچا ویکسین پلانے اور انجکشن لگانے کے لیے تیز بارشوں کے باوجود بھی نہ صرف کوئٹہ بلکہ یخ بستہ نواحی علاقوں ہنہ، اوڑک اور پہاڑی علاقوں میں بھی پہنچ رہی ہیں انسداد پولیو مہم کیلئے خواتین رضاکار یخ بستہ نواحی علاقوں اور پہاڑی علاقوں میں بھی اپنی خدمات انجام دے رہی ہیں ۔

انسداد پولیو مہم میں حصہ لینے والی خواتین رضاکاروں کا عزم ہے کہ انہیں کوئٹہ سمیت صوبیکو پولیو سے پاک کرنے کے لیے جو ٹاسک دیا گیا ہے اسے ہر حال میں پورا کرنا ہے، چاہے موسم کی سختی آڑے آئے یا کوئی اور مشکل درپیش ہو۔