قلات :  قلات ریج کے قریب قومی شاہراہ پر کنٹینر نے کار کو کچل ڈالا حادثے میں پانچ افراد موقع پر جاں بحق ہو گئے ہیں اور ایک شدید زخمی ہو گیا ہے جاں بحق تین افراد کا تعلق کوئٹہ سے بتایا جاتا ہے ،حادثہ کنٹینر کی بریک فیل ہونے کے باعث پیش آیا ہے ۔ 

بلوچستا ن کے ضلع قلات سے پندرہ کلومیٹر دور ریج کے قریب قومی شاہراہ پر کراچی سے کوئٹہ جانے والے کنٹینر نے مخالف سمت سے آنے والی کار کے ساتھ ٹکرا گئی حادثے میں پانچ افراد موقع پر جاں بحق اور ایک زخمی ہو گیا ہے اطلاع ملتے ہی لیویز حکام موقع پر پہنچ کر لاشوں اور زخمی کو ڈسٹرکٹ ہسپتال پہنچا دیا ہے ۔

جہاں پر ایک شدید زخمی محمد یحیٰ کو ابتدائی طبعی امداد کے بعد مزید علاج کے لیئے کوئٹہ روانہ کردیا گیاجاں بحق ہونے والوں میں اسد اللہ محمد شریف عبدالمنان منظور احمد طاہر خان شامل ہیں جا ں بحق ہونے والوں میں سے تین کا تعلق کوئٹہ سے ایک کا تعلق مسلم محلہ قلات اور ایک کا بینچہ سے بتایا جاتا ہے ۔

قلات پولیس نے کنٹینر کے ڈرائیور محمد عمران کو گرفتار کر کے کنٹینر کو تحویل میں لیکر مقدمہ درج کرکے تفتیش شروع کر دی ہیں جبکہ جاں بحق افراد کی شناخت پر پولیس نے ضروری کاروائی کے بعد لاشیں ورثا ء کے حوالے کردیا ہیں ۔