کوئٹہ: ضلع تربت کے علاقے شابوک میں مسلح افراد اور منشیات فروشوں میں فائرنگ کے تبادلے میں دو افراد جاں بحق ایک زخمی دو لاپتہ تفصیلات کے مطابق جمعے کے روز ضلع تربت کے علاقے شابوک میں مسلح افراد اور منشیات فروشوں کے درمیان فائرنگ کا تبادلہ ہوا جس میں دو افراد عبدالرسول اور دوست محمد ہلاک ہوگئے جبکہ محمد ناصر زخمی ہوا واقعے کے دوران دو افراد لاپتہ ہے جن کی تلاش جاری ہے لیویز ذرائع کے مطابق جاں بحق ہونیوالے اور زخمی شخص کو ہسپتال پہنچادیا گیا ہے جہاں پر ضروری کارروائی کے بعد ہلاک ہونیوالے دونوں افراد کی لاشیں ورثاء کے حوالے کردی گئی جبکہ زخمی کو ہسپتال میں داخل کردیا گیا جبکہ اس واقعے کے بعد دو افراد لاپتہ ہوگئے ہیں جن کی تلاش جاری ہے لیویز نے دونوں گروپوں کے خلاف مقدمہ درج کرکے تحقیقات شروع کردی ۔
