کراچی: پاکستان کے مایہ ناز فٹبالر مرحوم علی اصغر ٹونی کے نام سے منسوب سر، علی اصغر ٹونی ویٹرن فٹبال اکیڈمی کی ٹیم اور ڈسٹرکٹ ملیر کی ابھرتی ہوئی ٹیم رقیق شہید فٹبال کلب کے مابین ایک دوستانہ میچ الشہزاد فٹبال اسٹیڈیم ملیر میں کھیلا گیا اس موقع ہر فٹبال سے تعلق، رکھنے والی شخصیات ماسٹر عبدالحلیم، زرخان بلوچ اور شیرزادہ کے علاوہ شائقین فٹبال بھی موجود تھے۔

سابق نیشنل اور انٹرنیشنل کھلاڑیوں پر مشتمل سر علی اصغر فٹبال اکیڈمی اور نوجوان کھلاڑیوں پر مشتمل رفیق شہید کے مابین کھیلا جانے والا یہ دوستانہ میچ بڑا دلچسپ ثابت ہوا۔

میچ اپنے مقررہ وقت پر بغیر کسی گول کے برابر رہا اور پھر میچ کا فیصلہ پینلٹی ککس ہر کیا گیا جس کے مطابق سر علی اصغر اکیڈمی کی ٹیم یہ میچ 3 کے مقابلے میں 4 گول سے جیتنے میں کامیاب یوئی۔بہترین اور فیصلہ کن کھیل پیش کرنے ہر سر علی اصغر ویٹرن ٹیم کے گول کیپر اختر کو مین آف دی میچ قرار دیا گیا۔