چونہا ادے حاکم سروکاں َ دیر انت کہ ہر دور ئَ بزگیں بلوچ لگتمال کْتگ بلے وہد وہدئِ سرا وتی وس ئُُ واک ئَ بزگیں بلوچ ئَ اے زوراکیانی حلاپ ء َ آواز چست کنگئِ جہد کْتگ۔ بلے چے کنئے کہ اے وہد ئَ گوں طاقتور ئُُ زوراکاں گوں مڑگ ہم ارزانیں کارے نہ انت ،آ کہ وتی حاکمی ئْ ُ تمردی ئَ پیشدارایت آ ہچبر پْشت ء َ نہ کنزایت چیا کہ آئی ئِ حیال دائم ہمیش بیت کہ منی پد کنزگ منی بزدلی گْشگ بیت ء ُ دگنیا من ئَ شگانی کنت ۔

آ وتی ہمے لیکہ ء َ گوں وتی زوراکیاں دیما روان بیت۔۔۔ داں مارا ہوش انت اے دوئیں نیمگ، یک نیمگے لاچاری ئُْ دومی نیمگئَ طاقتوریں زوراکی یک شلا برجاہ اَنت۔۔۔ اے سال2020 انت کہ مروچی بازیں سیاسی گلاں بلوچ راجی جہد ئِ سد سالہ تقریب بلوچستان ئِ بازیں دمگاں برجاہ داشتگ۔ْ ہمے گوْشگ بیت 1920ء َ بگر داں 2020 ئَ بلوچ راجی جنز وتی سد سالئِ سفر ء َ گوں مزنیں سکی ئُُ جہلگ ئْ بْرزگے دیستگ ۔اے راہ ئَ بلوچ ء ِ مزنیں سرے ہم تاوان بوتگ بلے بلوچ ئِ پیر ئُُ کسان سلاں ہچبر وتی جہدئِ مادنیں راہ یل نہ داتگ۔

آئی ئِ بیسہ دائم ہمے بوتگ کہ الم کیت یک انچیں روچے کہ ما کامیابیانی منزل ئَ سر بئیں۔ منی حیال ء َ اے کمٹنٹ وت یک مزنیں کامیابے کہ بلوچ ورنا گوں وتی ارادگاںنا امید نہ بوتگ انت ئُُ سد سالئِ سیاسی سفر ئَ چنچو جنجال ات دیستگ ئُُ گوں نہ ترسی ئَ وتی راجی کازئِ ہمراہ داری ئَ جہد ئِ پڈا گوںسنگتاں ہمکوپگ بوتگ انت۔ میر عبدلعزیز کرد ئُُ آئیئِ کاروانے ہمراہانی جوڈ کْتگیں گل ( ینگ بلوچ ) ء َ بگر داں بی ایس او ئِ سفر ء ْ استیں عہد ئِ جہدکاراں کل بلوچ جہد کارانی مکسد ئُُ ْ لیکہ بلوچ ئُُ بلوچستان ء َ را یک وشالیں زندے دیگ بوتگ۔ انگریز سامراج عہد ئَ بگر داں انوگیں دورئَ بلوچ وتی زبان ئُُ دود و ربیدگ ئِ حاترا وتی وس ئُُ واک ئَ جہد ئِ پڈا اوشتوک انت۔

اے مزنیں مدتے ء َ جہد ء ِ پڈا اوشتگ وت یک مزنیں کامیابی یے ۔۔ بلے ادا گپ ایش انت کہ پہ راجی جہد ے ئَ سد سال ہم کم نہ انت انچش کہ تئی نیام ئَ ناتپاکی مہ بیت ،یکے دومی ئَ راہ سگگ بہ بیت۔۔۔ مرچی مئے مزنیں مستریں راجی بدبحتی ہمیش ہم است انت کہ ما وت ماوتئَ ناتپاکیں۔ئَُُْ دژمن ئَ چہ مئے ناچاکی ئَ باز گل کْتگ ئُْ وتی پندلاں سوبین انت۔۔۔ چْش ہم نہ انت کہ بلوچ ئِ سد سال ئِ سیاسی جہد ئَ بلوچئَ را ہچ نہ داتگ۔۔ مرچی اے بلوچ سیاسی جہد ء ِ منت انت کہ بلوچ دگنیا ئَ زانگ بیت ،آئی زبان ئُُ دود و ربیدگ پجار مانتگ ۔ اے سفر ء َ بلوچ َ وتی زبان ، ربیدگ ئِ پہریز گ ئَ سوبین بوتگ،بلے دم ات نہ برتگ۔