صحبت پور:ٹڈی دل نے دیھ کنرانی، دیھ لاشاری،دیھ گاجانی،دیھ بروہی، پہنورسنہڑی، ملگزاز،مانجھی پور،فریدآباداورصحبت پورمیں اپنے پنجے گاڑھ کرکاشتکاروں کو انتہائی نقصان پہنچایا،ٹڈی دل نے ان علاقوں میں گندم،سرسوں،چنہ،مٹر،دیگرفصلوں اور سبزیوں و پھلوں کو نقصان پہنچایا۔

اب نئے چاول کی فصل کی کاشت کی پنیری کو لگانے پر بھی ٹڈی دل حملہ آورہوگا۔اس سے بچاؤکیلئے احتیاطی تدابیر کیئے جائیں ورنہ آبادگاروں کا ناقابل تلافی نقصان ہوگا۔ان خیالات کااظہارعلاقے کے معروف زمیندارمیرمشتاق احمدبلیدی نے اپنے ایک بیان میں کیاہے۔انہوں نے کہا کہ محکمہ زراعت اس جانب فوری طورپرنوٹس لے۔

اورٹڈی دل سے بچاؤکے احتیاطی تدابیرہنگامی بنیادوں پرشروع کرے۔ٹڈی دل نے علاقے کے درختوں کے پتے بھی نگل لیئے۔اوریہ انتہائی خطرناک حملہ آورہورہے ہیں۔انہوں نے وزیراعلیٰ بلوچستان،چیف سیکرٹری بلوچستان، کمشنرنصیرآباداور ڈپٹی کمشنرصحبت پور سے مطالبہ کرتے ہوئے کہا ہے کہ ٹڈی دل سے بچاؤ کے اقدامات فوری طوری کرکیئے جائیں۔تاکہ کاشتکارچاول کی فصل کیلئے پنیری کی بوئی کرسکیں۔