تعلیم مکمل نہ کرنے پر شرمندگی کا احساس آج تک ہے، سونم کپور

|

وقتِ اشاعت :   February 26 – 2015

ممبئی: بالی ووڈ کی معروف اداکارہ اور ماڈل سونم کپور نے کہا ہے کہ تعلیم مکمل نہ کرنا ایک ایسی کمی ہے جس پر وہ ہمیشہ شرمندگی محسوس کرتی ہیں۔ بھارتی میڈیا کے مطابق 29 سالہ سونم کپور نے ایک ایوارڈ تقریب میں بات کرتے ہوئے کہا کہ انہوں نے 12ویں جماعت کے بعد تعلیم کو خیرباد کہہ کر اداکاری کا آغاز کردیا تھا جس پر وہ شرمندگی محسوس کرتی ہیں تاہم ادب میں گریجویشن کرنے کے لئے انہوں نے داخلہ فارم جمع کرادیئے ہیں اور انہیں امید ہے کہ وہ رواں سال اپنا گریجویشن مکمل کرلیں گی۔