گوادر: چیف آف نیول اسٹاف ایڈمرل ذکا اللہ دو روزہ دورے پر گوادر پہنچ گئے آج پاک نیوی کے اسکول کا دورہ کرینگے اوربحریہ کالج کے سائٹ کابھی دورہ کرینگے تفصیلات کے مطابق چیف آف نیول اسٹاف ایڈمرل ذکا اللہ (نشان امتیاز ملٹری ) جمعہ کے روز نیول ہیڈ کوارٹر جناح بیس اور ماڑہ پہنچے اور ماڑہ سے بذریعہ ہیلی کاپٹر گوادر میں پی این ایس اکرم پہنچ گئے انہوں نے پاک نیوی کے سوشل سیکٹر میں کئے گئے کاموں کا جائزہ لیا اور انہیں اس حوالے سے بریفنگ بھی دی گئی اس موقع پر کمانڈویسٹ کموڈور وارث نے بتایا کہ پاک نیوی نے ضلع گوادر کے عوام کیلئے بہت سارے کام کئے ہیں ان میں قابل ذکر اورماڑہ میں درمان جاہ ہسپتال اورماڑہ کیڈکٹ کالج گوادر میں بحریہ اسکول اور گوادر کے نوجوانوں کو پاک نیوی میں نوکریاں دینا اور گوادر میں اسپورٹس یونٹ منعقد کرانا ہے چیف آف نیول اسٹاف آج گوادر میں بحریہ اسکول کا دورہ کرینگے اور گوادر میں زیر تعمیر بحریہ اسکول و کالج کے سائٹ کا دورہ بھی کرینگے
