اسلام آباد: وفاقی وزیراطلاعات سینٹر پرویز رشید کا کہنا ہے کہ عمران خان نے خیرات اورزکوٰة کے پیسے 2010 میں باہربھجوائے اور انہی پیسوں سے آف شور کمپنی بنائی اسلام آباد میں ورکرز کنونشن سے خطاب وفاقی وزیراطلاعات پرویز رشید کا کہنا تھا کہ شریف خاندان 1936 سے کاروبارکررہا ہے جب کہ عمران خان نے خیرات اورزکوٰة کے پیسے 2010 میں باہربھجوائے اور انہی پیسوں سے آف شور کمپنی بنائی۔ انہوں نے کہا کہ ہمارے بچوں سے متعلق سوال ہونگے توآپ کے بچوں سے متعلق بھی سوال ہونگے، خان صاحب بتائیں کہ ان کی کمائی کا ذریعہ کیا ہے اور لندن میں ان کے بچوں کی تعلیم کا خرچہ کون اٹھا رہا ہے؟ پرویز رشید کا کہنا تھا کہ عمران خان نے آف شورکمپنی کے ذریعے 30 کروڑ روپے ڈبودیے، ان 30 کروڑ روپے سے کتنا منافع کمایا اور آپ جہازوں سے سفرکیسے کرتے ہیں؟ آپ کو شیشے کے گھرمیں رہ کرپتھرنہیں پھینکنے چاہیے، پتھرواپس بھی آتا ہے۔ انہوں نے کہا کہ شوکت خانم کیلیے زمین بھی نوازشریف نے مفت دی تھی اور نوازشریف نے زمین دی اورمشینری لانے کے لیے ٹیکس کی چھوٹ دی گئی۔