کوئٹہ: بلوچستان سٹوڈنٹس الائنس اسد اللہ ، لائبہ بلوچ، وکیل عادل نے کہا ہے کہ مختلف طلباء تنظیمیں پی ایم ڈی سی کی غلط پالیسیوں کے خلاف سراپا احتجاج ہیں کہ رجسٹریشن فیس میں اضافہ واپس لیا جائے

اور نصیر آباد میڈیکل کالج کو فعال بناکر ٹیسٹ کے بعد بک لیٹ اپلوڈ کیا جائے ہمارے تمام جائز مطالبات ہیں جن پر تا حال متعلقہ حکام کی جانب سے کوئی اقدام نہیں اٹھایا گیا

ہمارا پر امن احتجاج کا سلسلہ جاری ہے یہ بات انہوں نے جمعہ کو اپنے دیگر ساتھیوں کے ہمراہ شاہینہ بلوچ ، ایاز کاکڑ، حبیب شیرانی سمیت دیگر کے ہمراہ کوئٹہ پریس کلب میں پریس کانفرنس کے دوران کہی انہوں نے کہا کہ بلوچستان کی طلباء تنظیمیں گزشتہ کئی ہفتوں سے سراپا احتجاج ہیں

اور پی ایم ڈی سی کی غلط پالیسیوں کی وجہ سے احتجاجی مظاہرے اور ریلیاں منعقد کرچکے ہیں اور حکومتی عہدیداروں سے ملاقات کی تا حال کوئی شنوائی نہیں ہوئی ہمارا مطالبہ ہے کہ رجسٹریشن فیس میں اضافے کا فیصلہ واپس لیا جائے اور صوبے میں میڈیکل طلباء کی سیٹوں میں اضافی کیا جائے

شہید بے نظیر میڈیکل کالج نصیر آباد کو فعال بنایا جائے ایم ڈی کیٹ ٹیسٹ کو صاف اور شفاف بنایا جائے اور بلوچستان کے سلیبس سے ٹیسٹ کے سوالات ہونے چاہئیں اور تمام انٹری ٹیسٹ بلوچستان کے تعلیمی اداروں کے زیر قیادت رکھا جائے تاکہ طلباء میں پائی جانے والی تشویش دور ہوسکے۔