سبی : سبی سے بارہ کلو میٹر دور مل گورگیج میں نامعلوم موٹر سائیکل دہشت گردوں نے بچاو بند پر کام کرنے والی بلڈورز پر دستی بم سے حملہ کردیا

جس کے نتیجے میں دو مزدور زخمی ہوگئے اسسٹنٹ کمشنر سبی سید منصور شاہ نے میڈیا کو بتایا کہ سبی کے قریبی علاقہ گاوں مل گورگیج میں ایک بلڈوزر بچا بند کے کام میں مصروف کہ نامعلوم موٹر سائیکل دہشت گردوں نے ان پر دستی بم سے حملہ کردیا ہے

جس کے نتیجے میں بلڈوزر پر سوار دو مزدور زخمی ہو گئے واقعہ کی اطلاع ملتے ہی لیویز فورس جائے وقوعہ پر پہنچ گئی اور علاقے کو گھیرے میں لیا اور زخمیوں کو سول ہسپتال سبی منتقل کردیا گیا

جہاں انھیں ابتدائی طبی امداد کے بعد سی ایم منتقل کردیا گیا جہاں وہ زیر علاج ہیں ، اسسٹنٹ کمشنر سبی نے بتایا کہ اس سلسلے میں تحقیقات کررہے ہیں کہ دھماکے کی نوعیت کیا ہے اور دھماکے کی وجوہات معلوم کئے جارہے ہیں ۔