کوئٹہ: بلوچستان اسمبلی کے حلقہ پی بی 45کے 15پولنگ اسٹیشنز پردوبار پولنگ کے بعدفارم 47جاری ،پاکستان پیپلز پارٹی کے امیدوار حاجی علی مددجتک 6883ووٹ لیکر کامیاب ،

پشتونخوانیشنل عوامی پارٹی کے نصراللہ زیرے دوسرے نمبر پر رہے۔تفصیلات کے مطابق اتوار کو بلوچستان اسمبلی کے حلقہ پی بی 45کے 15پولنگ اسٹیشنز پر الیکشن ٹربیونل کے حکم پر دوبارہ پولنگ ہوئی

جس کے ریٹرننگ افسرسید نذیر احمد کے دستخط سے جاری کئے گئے فارم 47کے تحت غیر حتمی اورغیر سرکاری مطابق حلقے میں کل 17752درست ووٹ ڈالے گئے جبکہ 41ووٹ مسترد کردیئے غیر حتمی و غیرسرکاری نتائج کے مطابق پاکستان پیپلز پارٹی کے امیدوار حاجی علی مدد جتک 6883ووٹ لیکر کامیاب قرارپائے

جبکہ پشتونخوانیشنل عوامی پارٹی کے نصراللہ زیرے 4122جبکہ جمعیت علماء اسلام کے امیدوار میرعثمان پرکانی نے 3731ووٹ حاصل کئے جبکہ پشتونخواملی عوامی پارٹی کے مجید خان اچکزئی 998ووٹ حاصل کرسکے۔حلقے میں ڈالے گئے ووٹوں کی شرح 35.36فیصد رہی۔