سروس پاک چین کے درمیان تجارت، ثقافتی تبادلے و سیاحت کی ترقی کیلئے اہم لنک کے طور پر کام کرتی ہیکاشغر (این این آئی)چین کے شہر کاشغر اور پاکستان کے گلگت کے درمیان باقاعدہ بین الاقوامی بس سروس باضابطہ طور پر دوبارہ شروع اور آزمائشی آپریشن کے مرحلے میں داخل ہو گئی۔

گوادر پرو کے مطابق یہ بس سروس کاشغر شن لو پیسنجر ٹرانسپورٹ کمپنی لمیٹڈ اور پاکستان کی ناردرن ایریاز ٹرانسپورٹ کمپنی (نیٹکو)کے ذریعہ چلائی جاتی ہے۔

بس کاشغر سے روانہ ہوتی ہے اور جنوب کی طرف جاتی ہے اور درہ خنجراب اور پاکستان کی سوست بندرگاہ سے ہوتی ہوئی اپنی آخری منزل گلگت پہنچتی ہے،کل سفر 698کلومیٹر کا فاصلہ ہے۔

گوادر پرو کے مطابق اس سروس کی بحالی نہ صرف دونوں خطوں کے درمیان سفری فاصلے کو کم کرتی ہے بلکہ چین اور پاکستان کے درمیان تجارت، ثقافتی تبادلے اور سیاحت کی ترقی کیلئے ایک اہم لنک کے طور پر بھی کام کرتی ہے۔

کاشغر پیسنجر اسٹیشن کے مطابق کاشغر سے روانگی ہر اتوار، بدھ اور جمعرات کو سہ پہر3بجے (بیجنگ کے وقت کے مطابق)ہوگی، بس اگلے دن خنجراب پاس کے ذریعے چین سے نکلنے سے پہلے تاشکورگان کانٹی مسافر اسٹیشن پر رکے گی ۔ گوادر پرو کے مطابق واپسی کے سفر کیلئے بسیں گلگت سے ہر پیر، منگل اور جمعہ کو صبح 6بجے (پاکستانی وقت کے مطابق) روانہ ہوگی،وہ اگلے دن کاشغر جانے سے پہلے تاشکورگن کانٹی میں بھی رکے گی ۔

گوادر پرو کے مطابق فی مسافر کرایہ 455یوآن فی ٹکٹ ہے۔

فی الحال، اس روٹ پر دس بسیں چلتی ہیں، جن میں سے ہر ایک کی گنجائش25سے48نشستوں تک ہے۔

چینی ٹرانسپورٹ یشن آرگنائزیشن کے مطابق مسافر براہ راست کاشغر پیسنجر اسٹیشن پر ٹکٹ خرید سکتے ہیں یا وی چیٹ منی پروگرام ’’کاشغر پیسنجر ٹریول‘‘کے ذریعے آن لائن بکنگ کروا سکتے ہیں۔