تربت: نیشنل پارٹی کے سربراہ سابق وزیراعلی بلوچستان ڈاکٹر عبدالمالک بلوچ نے کہا ہے کہ وفاق اور اسٹیبلشمنٹ کی مداخلت و تجاوز کی بدولت بلوچستان میں بداعتمادی روزبروز بڑھ رہا ہے مائنز اور منرلز ایکٹ نے صوبوں میں مزید بے چینی پیدا کردی ہے معدنیات کے حوالے سے 1973 کے آہین کو پامال کرتے ہوئے بارہا وفاق کی مداخلت سے جہاں بلوچستان کے عوام میں ایک بے یقینی کی کیفیت پیدا ہوگئی ہے

وہاں غربت جہالت اور بیروزگاری میں روزبروز اضافہ ہورہا ہے عملی اقدامات کے زریعے بلوچستان کے عوام کو باور کرانا ہوگا کہ وہ سیندک، ریکوڈک گوادر سمیت بلوچستان کے مالک ہیں اور ان کے وسائل ان کی خوشحالی پر خرچ ہونگے نیشنل پارٹی کیچ کے ضلع کونسل کے اجلاس سے خطاب کررہے تھے

اس موقع پر سابق سینیٹر میر محمد اکرم دشتی سابق صوبائی وزیر لالا رشید بلوچ حاجی فداحسین دشتی جاوید یونس ناظم الدین ایڈوکیٹ ، محمد طاہر بلوچ ، حاجی فدا احمد، بجاربلوچ ،نادررند، بجار بلوچ، محمدحیات، ابوبکر مری، ناکو فقیر، عبدالقیوم، طارق بابل، بی بی شاری بلوچ، سبزل کوری اور بی ایس او کیچ کے صدر یاسر بلوچ نے بھی خطاب کیا، اجلاس میں ضلع کونسل کیاراکین اور تمام تحصیلوں کے صدور و جنرل سیکریٹریز نے شرکت کی سیاسی و تنظیمی صورتحال پر سیرحاصل بحث کی۔

ڈاکٹر مالک بلوچ نے اپنے خطاب میں کہا کہ بارڈر ٹریڈ سے تیس لاکھ سے زائد لوگوں کا ذریعہ معاش وابستہ ہے جو قیام پاکستان سے قبل سے جاری ہے اب نت نئے طریقوں ، فارمولوں اور قوانین کے زریعے بارڈر ٹرید کو انتہائی پیچیدہ بناکر تیس لاکھ سے زائد لوگوں کو نان شبینہ کا محتاج بنایا گیا ہے جس اے بہت بڑا انسانی المیہ جنم لے سکتا ہے بارڈر ٹرید پربھتہ خوری اس حد تک پہنچ گئی ہے

کہ ہمارے لوگ صرف مزدوری کرتے ہیں باقی کثیر رقم افسر شاہی و مراعات یافتہ طبقات و فورسز کے نذر ہوجاتا ہے ، ڈاکٹر مالک بلوچ نے خواتین سمیت تمام سیاسی کارکنوں کی گرفتاری کو غیرجمہوری عمل قرار دیتے ہوئے کہا کہ بلوچستان میں سول مارشل لا نافذ کرکے سیاسی کارکنوں کو فورتھ شیڈول تھری ایم پی او جیسے فرنگی قوانین کے تحت پابند سلال کرکے حراساں کیا جارہا ہے

جبکہ خواتین کو بھی بخشا نہیں جارہا ریاست اور بلوچستان کے عوام کو ایک دوسرے کے سامنے کھڑی کرنے سے حالات میں مزید ابتری آہیگی جس سے اجتناب ضروری ہے ،

ڈاکٹر مالک بلوچ نے پی پی ایل اور سیندک معائدوں کی توسیع کو بلوچستان کے ساتھ زیادتی قرار دی اور اس امر کا اظہار کیا کہ یہ کمپنیز حقیقی عوامی نمائندوں کی غیرموجودگی کا بھرپور فائدہ اٹھاکر اپنے مرضی و منشا کے معائدے کروارہے ہیں جس سے بلوچستان کے عوام میں مزید بے چینی بڑھ رہی ہے ، ڈاکٹر مالک بلوچ نے واضع کیا کہ لوگوں کو لاپتہ کرنے اور مسخ شدہ لاشیں گرانے میں تیزی سے اضافہ ہورہا ہے

جس کی روک تھام کیا جائے خواتین سمیت سیاسی کارکنوں لو فی الفور رہا کیا جاہے فورتھ شیڈول کا کالا قانون استعمال کرنے سے گریز کیا جائے بارڈر ٹرید کو آسان بناکر تلار چیک پوسٹ کو فی الفور ختم کیا جائے۔

اجلاس میں نیشنل پارٹی کے کونسلراں کی کثیر تعداد نے شرکت کی۔ سب سے پہلے ضلعی جنرل سکریٹری سرتاج گچکی نے ضلعی سکریٹری رپورٹ پیش کی اس کے بعد تحصیل تربت کے صدر طارق بابل، تحصیل آبسر کے جنرل سیکریٹری واحد بوھیر، تحصیل گوکدان کے جنرل سیکرٹری جاوید کریم، تحصیل دشت کے وسیم دشتی، تحصیل تمپ کے جنرل سیکرٹری جہانگیر حفیظ ہوت نے اپنے اپنے تحصیلوں کے رپورٹ پیش کیے۔

ڈاکٹر عبالمالک بلوچ نے تحصیل تمپ اور حاجی فدا حسین دشتی نے تحصیل دشت کے نومںتخب کابیہ سے حلف لیا۔

بحث مباحثہ کے سیشن میں کونسلران نے سیاسی و تنظیمی امور پر سیر حاصل گفتگو کرنے کے ساتھ ساتھ مختلف سوالات کئے اور اپنے اپنے خدشات اور تحفظات کا اظہا بھی کیا۔

پارٹی قیادت نے تمام کونسلراں کے تنقید اور سوالات کو صبر تحمل اور خندہ پیشانی سے سنا۔ اجلاس سے کہدہ اکرم دشتی نے مرحوم حاجی واحد بخش کی شخصیت اور سیاست سمیت بلوچستان کی مجموعی صورت حال پر تفصیل سے اظہار خیال کیا۔

آخر میں پارٹی کے مرکزی قائد جناب ڈاکٹر عبدالمالک بلوچ نے تمام کونسلران کے سوالوں کا جواب دیا۔