کوئٹہ: ڈیرہ بگٹی کے علاقے پیرکو میں گیس پلانٹ پر راکٹ سے حملہ، حملے کے نتیجے میں تین بچے بے ہوش ہوئے، سوئی کے علاقے سنہڑی مٹ میں ایف سی نے تخریب کاری کا منصوبہ ناکام بنادیاتفصیلات کے مطابق ڈیرہ بگٹی کے علاقے پیرکو میں نامعلوم افراد کی طرف سے دو راکٹ فائر کئے گئے ،راکٹ پلانٹ کے قریب ایک گھر میں جا گرے ،جس سے تین بچے دم گھٹنے سے بے ہوش ہوگئے جن میں بی بی ملالہ ، آصف علی اور منورعلی شامل تھے، جنہیں طبی امداد کیلئے ہسپتال منتقل کر دیاگیا ۔علاوہ ازیں ڈیرہ بگٹی کے علاقے سوئی کے علاقے سنہڑی مٹ میں ایف سی نے تخریب کاری کا منصوبہ ناکام بنادیا۔ کارروائی کے دوران سڑک کنارے نصب تین کلو وزنی بم برآمد کرلیا جس کے ساتھ ایک بٹن، ایک ڈیٹونیٹر وغیرہ بھی ملے ہیں۔ ایف سی ذرائع کے مطابق بم ایف سی اہلکاروں کو نشانہ بنانے کیلئے نصب کیا گیا تھا۔
