تئی ہستی ءِ بت ءَ گوں دل ءِ دستاں اڈ کناں
تو بس سرین لنٹاں وتی زند ءَ گٹ جناں
بے گوْم بہ بیت ہمنچو ،ہمنچو دل ءَ بہ کنت
زپتاپیں کچلاں من پتو بینگاں بجاں
انچیں دیارے اڈ کناں ہچی مہ بیت بلئے
تئی یات ءِ ژانگوئے من گوات نپر کناں
اے شئیر اگاں بل یے نہ بیت وانگ ءُُ زانگ
تئی زانت ءِ کساس ءَ من دگہ شئیرے وڈ کناں
داتگ ابیتکیں موسمے شاہ کور ءِ ہشکی ءَ
ڈل دیمیں دیارے دگہ ارساں گوں ترکناں
اے سلامؔ مدام بے سریں گالاں گوں گپ گپیں
نالیت چو کپوتانی وڑا درنگ ءُُ سرشماں
