کوئٹہ: پنجگور میں بھوک و پیاس سے دو افراد جاں بحق ہوگئے۔ لیویز کے مطابق پنجگور کے نواحی علاقے کوہ سبز سے ٹرک ڈرائیور اور کلینر کی لاشیں ملی ہیں۔

شیر علی بلوچ ولد خان جان اور ظہور ولد دل مراد بلوچ دو روز قبل ایران سے سامان لینے کیلئے مزدا ٹرک میں گئے تھے۔ راستے میں ویران مقام پر ان کی گاڑی خراب ہوگئی اس دوران بھوک و پیاس سے ان کی موت ہوگئی۔

سول اسپتال پنجگور کے ڈاکٹروں نے لاشوں کے معائنے کے بعد تصدیق کی کہ دونوں افراد کی موت شدید گرمی اور بھوک و پیاس کی شدت کے باعث ہوئی ہے۔ ان کے جسموں پر تشدد کا کوئی نشان نہیں ۔