کوئٹہ: کیچ میں فائرنگ کے دو مختلف واقعات میں دو افراد زخمی ہوگئے۔لیویز کے مطابق کیچ کے علاقے مند میں نامعلوم افراد نے فائرنگ کرکے گنگازر ولد یوسف نامی شخص کو زخمی کردیا اور فرار ہوگئے۔
زخمی کو پیٹ میں گولی لگی۔ فائرنگ کی وجہ معلوم نہیں ہوسکی۔ ادھر کیچ کے ضلعی ہیڈکوارٹرتربت کے علاقے کوشقلات میں اخلاق نامی شخص نے فائرنگ کرکے لعل بخش ولد دوست سکنہ کوشقلات کو زخمی کردیا ۔
زخمی کو سول اسپتال منتقل کیاگیا۔ لعل بخش کو بائیں پاؤں میں گولی ماری گئی ہے۔ پولیس کے مطابق فائرنگ دو سو روپے کے لین دین کے معاملے پر ہوئی۔