حب:پاکستان ایئر فورس کی گاڑی کوسٹل ہائی وے بزی لک کے مقام پر ٹریفک حادثے کاشکار تین جوان جاں بحق جبکہ ایک زخمی ہوگیا ۔

تفصیلات کے مطابق جمعہ کی سہ پہر پاکستان ایئرفورس کی ایک گاڑی پسنی سے کراچی جارہی تھی کہ بزی لک کے مقام کوسٹل ہائی وے پر گاڑی ڈرائیور سے بے قابوہوکر گہری کھائی میں جاگری جسکے باعث ائیر فورس کے تین جوان عارف،آصف اور ریاض شہید ہوئے جبکہ اکرام اللہ زخمی ہوگئے ۔

ریسکیو ذرائع کا کہنا ہے کہ ٹریفک حادثے میں جاں بحق ہونے والے افراد کی میتوں اور زخمی کو ریسکیو کرکے اورماڑہ منتقل کردیا گیا ہے ریسکیومیں پاک ائیرفورس،بلوچستان لیویزفورس اورایدھی کے رضاکاروں نے حصہ لیا۔