دروگ ءِ پروش دئیگ ءُُ راج ءِ سوبمندی ءَ چار روچ پشت کپتگ ،اگاں راج سوبمند کنگی اِنت داں وت قیمتی ایں ووٹ ءَ تپر ءَ بجن اِت۔بی این پی ءِ درائیں نمائندگ ءُُ امیت داراے گپ نہ اِنت پہک ءُُ پلگا ر اَنت بے عیب کس نہ اِنت بلئے اے مردماں چہ مردم امیت داشت کنت ۔
زند ءُُ مرگ ہردو راستی اَنت زند است داں مرگ اوں یک راستی یے ہمے رنگ ءَ دروگ است داں راست اوں یک راستی یے پمشکا ہرپیم ءَ مردم حاموش بہ بیت بلئے گویاکی ءَ کس داشت نہ کنت ہمے گویاکی ءُُ ہلوت یک وہدے کیت کہ جاک ءُُ سلوتاں مٹ بنت ءُُ ہمے جاک ءُُ سلوت پدا راستی ءُُ گواچن بنت ۔باز گوں حاموشی ءَ روت ءُُ باز گپے جنت کہ داں کرن ءَ گیر کیت کہ فلانی ءَ گپے جتگ اَت ۔
نبشتہ کنگ ہرکس کار نہ انت بلئے نبشتہ نیلگ ءُُ دارگ کسی حق نہ انت ۔بلوچی لبزانک ءَ ندکار وَ باز اَنت بلئے نبشتہ کار نیست انت ،نبشتہ کار ءُُ ندکار ءِ گستائی ءَ من اے پیم ءَ کت کناں کہ نبشتہ کار ہما اِنت کہ سرپد ءُُ زانندگ بہ بیت ءُُ نوں نبشتہ کنت ،آ نبشتہ کنگ ءَ پیسر سد رند ءَ پگر کنت ،لبزاں گچین ءُُ مٹ کنت ،پدا سالانی سراں اگاں یک کتابے چاپ کنت یا سرجمیں زند ءَ اوں چاپ اوں نہ کنت کہ کنت ،بلئے ندکار ہمااَنت کہ ہمک وہد نویسگ ءَ اَنت ۔
نوکیں سر وزیر واجہ قدوس بزنجو ءَ وتی اگدگ ءِ آیگ ءَ گوں بلوچستان ءِ ہما جیڑہ کہ گوستگیں بازین سالاں ہما وڑ دنزءُُ گباراں بوتگ اَنت چماہاں چہ کار بندات کتگ ۔من باز ندیستگ بلئے اے منی ہوش ءُُ سما ئے گپ اِنت کہ یک سر وزیرے وتی اگدگ ءِ اولی روچاں گوں کاراں دزگلائش بہ بیت ۔
بلوچی زبان ءُُ لبزانکی ہرجا ہ کہ دیوانے بہ بیت آہودا یکبرے الم ءَ نبشتہ رہبند ءِ بابت ءَ الم ءَ تران کنگ بیت۔پرچکہ بلوچی نبشتہ رہبند انوگیں وہد ءَ یک بلائیں جیڑگے است انت ۔اے جیڑگ چنائی ءَ مرچیگیں نہ اِنت بلکیں ۱۹۵۰ ءَ وہدے بلوچی زبان ءِ اولی ماہتاک ’’اومان‘‘ واجہ خیر محمد ندو ی ءِ شونکار ءَ چہ کراچی ءَ چاپ کنگ بیت ہما وہد ءَ اے نبشتہ رہبند ءِ جیڑگ بلوچ ءَ را گون اِنت ۔